هتعملى ايه لو ابنك شرب مادة منظفة أو مطهرة بالخطأ ؟؟؟

لو إبنك شرب كلور أو كلوريكس أو فنيك أو بوتاس أو صودا كاوية أو أى منظف في البيت...... تعملى ايه بسرعه لحد ما تروحى لأقرب مركز لعلاج السموم⁉️

أولا : ممنوع‬ تماما تخليه يرجع غصب عنه .. يعنى ممنوع تشربه مية بملح أو لبن ببيض أو تدوسى على لسانه علشان يرجع او تديه فحم او تعملى له غسيل معده...
طيب ليه⁉️
علشان كده بنعرض المرىء والبلعوم والفم للمادة الكاويه دى تانى يعنى بنضره اكتر وكمان ممكن تدخل الماده الكاوية دى فى مجرى الهوا وتؤدى بعد ذلك الى إلتهاب رئوى شديد..

ثانيا : شربه فنجان ‫‏لبن‬ وبس (بدون مياة)
طيب ليه لبن ⁉️ مينفعش مية⁉️
مينفعش مياه علشان المواد الكاوية دى ممكن تكون حمض "acid" أو قلوى "alkaline" .. وممكن تتفاعل مع المياه داخل المعدة وينتج عن التفاعل ده حرارة عالية تزود المشكلة.. وتدمر انسجة المعده اكثر واكثر .
و اللبن هيعمل ايه ⁉️ هيخفف شوية من تركيز المادة اللى شربها الطفل.. ولو فيه حاجة واقفة فى فمه او البلعوم او المرئ هيحركها للمعدة.
طيب ليه شوية صغيرين مش نصف كيلو لبن مثلا⁉️ علشان ما يحصلش قئ ..وقلنا قبل كده ان احداث قئ فى هذه الحالات خطيررررر جدااااا

ثالثا : هو ينفع نعادل الماده اللى شربها الطفل؟ يعنى لو هو شارب حمض أديله قلوى أو العكس علشان أقلل مفعولها⁉️
طبعا غلط لان هينتج عن ده تفاعل كيميائي وده هيسبب حرارة عالية تعمل تدمير للانسجة.

رابعاً : نقل الطفل للهواء النقى علشان يقدر يتنفس✅ ..
خامسا : لو المادة الكاويه وقعت على هدومة

يقلعها ونغسل جسمه كويس ..

سادساً : لو المادة دى وقعت على عينة

نغسلها كويس جدا بالمية لمدة ربع ساعه

وبسرعه نجرى لأقرب مركز سموم

لسرعة اتخاذ الاجراءات الطبيه الازمه للطفل حسب حالته وحسب مدى سمية الماده وحسب الكميه اللى اخذها وحسب المدة اللى اتأخر فيها.....

وطبعا لازم تاخد معاك زجاجة المادة التى شرب منها الطفل....للتعرف على المادة وتحديد كيفية العلاج بسرعة.

شاهدى ايضا

تعملى ايه لو ايدك اتحرقت فى المطبخ ؟

التخلص من حرق الاوانى

طريقة تنظيف المراتب والأنتريهات بمكونات منزلية

اسرار نجاح أي وصفه

طريقة عمل الزبادى باسهل طريقة

طريقة عمل الخميرة فى المنزل لكل المعجنات

أسهل طريقة لعمل البسبوسة زى المحلات بالظبط

6 أطعمة احذروا إعادة تسخينهم .. لانها تتحول لسموم

خلطات لعلاج خشونة الركبة والمفاصل

طريقة عمل كريم الاساس فى البيت

اصنعى بنفسك : شامبو وبلسم طبيعى ومثبت للشعر فى المنزل

اصنع مزيل العرق بنفسك

اصنع معجون الاسنان بنفسك

اصنعى حلق هدية لكى أو لبنتك أو لصديقتك

اصنعى حلقك و اكسسواراتك بنفسك

اصنع الثلج فى 5 ق

اصبغى شعرك بدون كيماويات

خلطة الحلبة والحناء لاطالة الشعر