هام لطلبة الثانوية العامة 2019 /2018

هتكتب ايه فى التظلم

مهم للغاية لمقدمي التظلمات

نصائح هاااااامة للثا نوية

تخليك_تاخد_درجتك_فى_التظلم ؟

انت بيبقى معاك 3 حجات هناك ..

_ نموذج الإجابة

_ صورة ورقتك

_ ورقة الملاحظات

↩ كل المطلوب منك عشان تاخد درجاتك .. انك تكتب دي الملاحظات صح ✔

■■ ازاى ؟؟

المستشار لما بيراجع .. بيبص على الملاحظات

وبعدها ممكن يفتح الورقة أو لا ..

■■ يبقى انت عايز تعرف تكتب ايه يخليه يفتح الورقة ؟؟

هو بيفتحها فى حالتين .. لو شاف فى الكلام :

_ غلطة تجميع

_ سؤال مش متصحح

ولكن :

اى كلام تانى :

زى كلمة "الدرجة صفر" أو المدرس غلطان أو أنك مظلوم أو ..انا كتبت إجابة قريبة .. مش هيبص على ورقتك وهيكتب تحت فى الرد [تقدير مصحح] وخلاص .. )

====================================

فأنت قدام 3 احتمالات هناك ؟؟

↩ اول_احتمال :

■ لو غلطة فى تجميع الدرجات ( الرصد ) ..

فدى غالباً بتيجى الحمد لله علطول .. اطمن

هتكتب انه يوجد غلطة " تجميع درجات " فى السؤال كذا

وكان الصح _مثلا_ 13 من 15 ..

عند الجمع كما فى درجة السؤال الرابع ..

لكن فى المراية ( اول ورقة من برا ) كتبت 12

وله درجة فى ذلك السؤال ..

وحط خط تحت كلمة " رصد_درجات " او " تجميع_درجات " !!

________________________________

↩ تانى_احتمال :

■ لو سؤال متصححش اصلا

.. فده الحمد لله غالبا برده بييجى درجته علطول

وبتكتب أن

السؤال رقم كذا ..

■■ ترك " بدون_تصحيح "

واكتب تفاصيل تانية .. انه مش بس متصححش ..

لا .. ده كمان السؤال اجابته صح .. ولازم تفتح الورقة عشان تصححه ..

ومتنساش تحط خط تحت كلمة #بدون_تصحيح .. عشان تلفت نظره ..

فى الاحتمالين دول .. بيشوف المراجع .. كلمة غلطة تجميع أو سؤال متصححش وبيفتح ورقتك وتاخد درجتك بإذن الله ..

___________________________

↩ تالت_احتمال : ( وده الل عملين البوست عشانه .. ركز )

■ لو سؤال انت حاله صح✔ .. لكن واخد صفر ❌

تكتب_ايه_فى_الملاحظاات ؟!

■■ تكتب نفس اللى كنت هتكتبه بالظبط .. فى الاحتمال التانى ..

~ إن السؤال ترك #بدون_تصحيح ..

~ وكتب الطالب الإجابة صحيحة ..

~ و له كذا درجة ..

وتفاصيل انك حالل صح .. حتى لو هتكتب الإجابة ..

فتقول :

السؤال ترك بدون تصحيح

وقام الطالب(ة) بحل السؤال كما هو مطلوب .. حيث كتب .. [وتكتب الإجابة فى الملاحظات بصورة مختصرة كده]

💡 لو السؤال : اكتب المصطلح او اختيارات :

تقول تم كتابة الإجابة صحيحة وهى كذا وتركت بدون تصحيح ( حتى لو عليها ❌ أو صفر )

💡 ولو السؤال : مسألة لو رياضة او فيزيا

مثلاً هتكتب :

تم ايجاد المطلوب الاول .. وكتابة القانون والخطوات بطريقة صحيحة .. ثم قام بالتعويض الكامل عن القانون ..

ثم أوجد الناتج وهو قيمة شدة التيار صحيح .. ويساوى 20 امبير ✔ .. وفى المطلوب التانى .. تم كتابة القانون والخطوات والناتج بصورة صحيحة .. وتم ايجاد فرق الجهد ويساوى 10 فولت والناتج صحيح✔ .. _ الأرقام كمثال _

لكن ترك السؤال #بدون_تصحيح .. وله 4 درجات فى هذه المسألة ..

_________________________________

⚠⚠⚠ يعنى اكتب :

■ رقم السؤال ..

■انه متصححش ..

■ اوعى_تجيب_سيرة_الصفر

■متغلطش المدرس ..

■اكتب بأسلوب يشد .. وانك على حق

■اتكلم بصيغة الغائب .. سواء عنك أو عن المدرس .. زى المثال الل فوق كده

تم حل .. وتم إيجاد ..

ثم ترك السؤال .. وله درجات ✔

من غير ما تغلط فى المصحح ..

او تقول انا مظلوم أو الكلام ده .. ❌

_________________________________

يعنى لو كان سوء تصحيح ممكن تيجى ؟

- ده بيرجع لضمير المراجع هيعمل ايه .. لما يشوف انك صح وواخد صفر .. او ❌

ممكن يديك درجاتك .. وتاخد حقك ..

- لكن للصراحة :

برده فى العادى غالبا فى حالة ان السؤال بيكون مقالى

فده بيتكتب انه "تقدير للمصحح "

يعنى المصحح ليه الحق انه يديك الدرجة اللى هو شايفها مناسبة لاجابتك.

في الحالة دي الدرجة مش بتيجي الا بقضية ؛ ودي بتاخد وقت كبير شوية واحتمالها اضعف .

______________________

↩ وف الاخر :

مهما كانت النتيجة 👈 انت لازم ترضى بقضاء الله ..

ده ربنا مش بيظلم مثقال ذرة .

( لو جت درجة ففضل من ربنا .. )

⚠⚠ لكن متستناش وتحط املك على حاجة ممكن متجيش ..

💥 وانت_لازم_تطرق_كل_الابواب

متسيبش باب الا ما تخبط عليه ..

والتظلم ده باب من ضمن الابواب دي

ف متعلقش املك ع باب واحد ..

وشوف خطط_بديلة بعد كدة

■■ احتياطات ضرورية :

1) واحد بس الل بيدخل معاك .. والدك أو والدتك

لو اختك مش هيرضوا

2) خدوا معاكوا صور البطاقة .. ونسخة من نموذج الإجابة ..

عشان لو مسلمكوش هناك .. واكيد قلم خطه كويس

3) وراجع الامتحان والنموزج كووويس قبل ما تروح .. عشان مينفعش هناك لسه تعد تفتكر المنهج والأسئلة .

انتوا رايحين تكتبوا الملاحظات .. والورقة صغيرة .. فاعرفوا هتكتبوا ايه بالظبط .

ومتستناش انك تروح هناك وتكتشف .. لا .. حط جميع احتياطاتك من دلوقتي

************************************************
خطوات التظلم

تُعلن وزارة التربية والتعليم عقب ظهور النتيجة مباشرةً عن فتح باب التظلمات للطلاب الذين لديهم الرغبة في مراجعة نماذج إجاباتهم وسوف يستمر فتح باب التظلم لمدة “ثلاثون يوماً” تبدأ من الموعد الذي ستحدده الوزارة وذلك بتقديم تظلم والحصول على درجات إضافية في حالة إذا تمت المراجعة وصرحت أن الطالب المتظلم له حق الدرجات الإضافية ويتم التظلم من خلال هذه الخطوات.

(خطوات التظلم من نتيجة الثانوية العامة 2019)

1- يتم دفع رسوم التظلم التي تبلغ نحو 100 جنية عن المادة الواحدة وذلك عن طريق أقرب فرع من البنك الأهلي المصري لحساب (صندوق دعم وتمويل المشروعات التعليمية) والحصول على إيصال السداد.
2- يقوم الطالب الراغب في تقديم التظلم بالذهاب إلى مديرية التربية والتعليم التابع لها ويقوم بسحب طلب تظلم وتعبئته بكافة البيانات المطلوبة وتسليمه وكذلك إيصال السداد إلى اللجنة المشكلة من الوزارة للاستلام
3- وسوف يتم تحديد ميعاد للكشف عن النتيجة ومراجعة كراسة الإجابات بالكنترول بشرط أن يذهب الطالب وحدة بدون مدرس المادة حتى لا يتم منعه من الدخول
4- يحظر نهائياً استخدام الهاتف المحمول أثناء عملية الاطلاع والمراجعة.
5- سوف يتم مراجعة كراسة الإجابات من خلال مستشار المادة المراد التظلم منها عن طريق وضع كود سري على نسخة من كراسة الإجابة وعدم ذكر أي بيانات تخص الطالب وذلك لضمان الشفافية وعدم التحيز لأي شخص وسوف تبدأ مواعيد الاطلاع للطالب من الساعة التاسعة صباحاً بمقر لجنة النظام والمراقبة المختصة.
6- يقوم الطالب بأخذ نسخة من كراسة الإجابة ويقوم هو أيضاً بمراجعتها والاطلاع عليها وإذا وجد بها أي ملاحظات يتم تدوينها ومن ثم عرضها على الكنترول ليتم رصد درجاتها مرة أخرى.
7- في حالة أنه تم إثبات حق الطالب من درجات التظلم سوف يتم إخطاره على محل سكنه بموجب خطاب مسجل بعلم الوصول بهذا التعديل
8- ومن ثم سوف يستعيد الطالب رسوم التظلم التي قام بسدادها في أول الأمر وهي 100 جنية عن المادة الواحدة.
9- وفي هذه الحالة يتم تلقائياً إخطار مكتب التنسيق بالدرجات الإضافية للطالب، وذلك لاحتسابها في مجموع الدرجات ومن ثم الالتحاق بالكليات المرغوبة.

*****************************************************

الااااااااااااااااااان النتيجة
اضغط هنا

اضغط هنا

******************************************************
الاجابات النموذجية لنماذج الوزارة الاسترشادية الجبر 2019